நாமாய் இருப்போம்

அறம் இல்லா அகம் கொண்டோர் ,

அறிந்தே பேசி திரிவர் புறம்.

தரம் தாழ்ந்த விமர்சனம் காண் ,

நாம் கொள்நிலை மரம்.

வரம் உண்டு நம் வாழ்வில் ,

கொண்டோம் கணக்கிலா

கை கொடுக்கும் கரம்

# ஞாயிறு போற்றுதல் #

அவஸ்தை தான் என்றாலும் 

உனக்காய் ஆறு (நாள் )

அமைதியாய் கடக்கிறேன்

ஆனால் நீ 

தொடங்கியதும் முடிவதும் 

முழுமையாய்

உணரும் முன்னே 

உதறிப் போகிறாய் 

உன் இருப்பை

வருவாய் திரும்பி என்ற 

நம்பிக்கை தான்

உனை பிரிவதை கூட 

வழக்கமாக்கி கொண்டிருக்கிறது

நா (ன்)  இரு 

என்றாலும் இருக்க மாட்டாய்

போய் வா ..............

  

ஞாயிறு

அக்கரை வானம்

எண்ண முடியுமா?

என்னால் முடியுமா ?

என்னவானாலும்

எண்ணி முடிக்கலாம்

நட்சத்திரங்களை

என்றிருக்கிறேன் நான்

*****************

இருக்கலாம்

நம்மை போலவே

நட்சத்திரங்களும்

மனிதப் புள்ளிகளை

எண்ண முடியுமாவென்று

ஏங்கிக்கொண்டு

பொங்கல் -2018

புதிய கவலைகள்

பூத்த படிதான் இருக்குமென

புரிந்துகொண்ட புத்தி

பழைய கவலைகளை

போகி தீயில்

போட்டு எரிக்கிறது

போன வருடம் போலவே

வளம் பல பொங்க

பொங்கிய நலம் தங்க

தங்கிய வாழ்வு செழிக்க

செழித்த நம் உறவு சிறக்க

சிறந்த தை

இத் தை

தரட்டும்

களவாடிய பொழுதுகள்

காத்திருப்பில்          

கரைகின்றன கனவுகள்

கனியா காத்திருப்பு

கலைத்து போடும்

தன்னம்பிக்கை இருப்பு

 நல் வாய்ப்புக்கு

காத்திருக்க சொல்லி

நம் பொழுதுகளை

நயவஞ்சகமாய்

களவாடி போகிறது காலம்

உறுமீனும் உறுபசியும்

உதாரணத்துக்கு மட்டும்.

உதவாது உலகியல் வாழ்வுக்கு

# ஞாயிறு போற்றுதல் #

ஞாயிறு

வாராவாரம் வந்தாலும்
அலுப்பதேயில்லை
அதன் ஆரவாரம்

ஞாயிறு ஒய்வு 

மழை நனைதல் போல் மனசுக்கு மருந்து

துவைத்து எடுக்கும் துணிகளை போல்

வார அலுப்பிலிருக்கும் மனசை

அலசி ஆறுதல் படுத்துகிறது

ஞாயிறு

Cell Phone Sin

மூன்றாம் மனிதன்

மொபைல் போனிடம்

முணுமுணுக்கிறான்

நான் உன்னை பிரிவதேயில்லை

உன்னை விட்டு விலகுவதுமில்லை

சிறு பொய்யோ ,

குறும் படமோ ,

தெரிந்தோ தெரியாமலோ

எல்லோரும் செய்கின்றோம்

ஏதோ ஓர் பாவம்

செல் போன் மூலம்

பதிலுக்கு

சிலுவையாய்

அதையே நம்மை

சுமக்க  வைக்கிறது  காலம்