அப்பா
என்றாலே
எல்லோர்க்கும்
எப்போதும் உண்மையான
கதாநாயகன்
எப்போதாவது போலி
எதிரியும் கூட
***************************
அப்பன் என்றால்
யாவர்க்கும்
யானையாயிர பல ஆயுதம் தான்
********************
அப்பாவென்று தனை அழைக்கும்
குழந்தைகளையும்
என்னப்பா என்னம்மா
என விளிக்கும்
வெள்ளை மனசு
*********************
அப்பனாய் அவதரிக்கும் குழந்தையும்
குழந்தையாய் குழையும் அப்பனும்
அமையும் வீடு ஆசிர்வதிக்கப்பட்டது
***********************
தன்னிலை தாழ்ந்தாலும்
தன் மழலை
வாழ தவிக்கும்
தந்தையர் வாழ்வு
தவ வாழ்வு
**********************
இயலாது எப்போதாவது
எரிச்சலையும் கோபத்தையும்
இயல்பாய் வெளிக்காட்டும்
அப்பன்கள்
எந்நேரத்திலும்
அளவற்ற அன்பை
உள்ளே மறைக்கும்
உலக மகா நடிகன்கள்
************************
தந்தை என்றும்
சந்தை படுத்திக்கொண்டதேயில்லை
தன் அன்பை
*************************
தந்தையர் அன்பை போல்
ஆர்பாட்டங்கள் எதையும்
தாங்கி பிடிப்பதில்லை
தந்தையர் தினம்
**************************
தந்தையரை நினைவு கொள்வதிலும்
தந்தையராய் வாழ்வதிலும்
பெருமை கொள்வோம்
************************
மகிழ்வான தந்தையர் தின வாழ்த்துக்கள்
